Љубојна "Macedonia Fresh" [2008]

Групата веќе шест години страсно ја свири македонската музика и ја обзнанува со пејачката експресија на Вера Милошевска. Се верува дека е наследничка на познатата Вања Лазарова, Мирвет Беловска... Група актери кај неа препознаа божествен глас. За критичарите е Верче Славејче. Последно но не помалку значајно, во муабетите таа плени со својата непосредност на кафе пејачка.

Љубојна се раѓа од два збора, љубов и бој. Музиката се врзува за македонскиот бит и се темели на македонската традиционална музика.

Идејата на групата е да ја изговори музиката како единствен универзален јазик. Зад музичарите се крие богато музичко искуство и вештина предадена од мајстори на оваа музика. Музиката пак, длабоко во себе европска, а со манири и влијанија од Исток, создава една мешавина со слатко-солени вкусови и елеганција разбиена од чувства што нишаат и носат во радосна тага. Заживеана и поделена на двете страни од Виа Егнација, меѓу Исток и Запад, Љубојна пее за некогаш и денес, за неповторливо оригиналниот, вистински и отсекогаш модерен бит.

Љубојна има учествувано на бројни театарски и музички фестивали во : Торонто, Истанбул, Њујорк, Москва, Љубљана, Белград, Марсеј, Венеција и Нијамеј. Групата има издадено два албуми и тоа: П.С.О (2005) и Macedonia fresh (2008).